وزیراعظم پاکستان عمران خان کے کامیاب حالیہ دورہ بیجنگ کے بعد چائنہ اگلے سال تک پاکستان سے درآمدات میں زیادہ اضافے کیلئے پرامید ہے۔
حکام کی جانب سے کہا گیا کہ وزیر اعظم عمران خان کا یہ دورہ باہمی تبادلوں کے فروغ اور کاروباری معاملات کے حوالے سے کافی کامیاب رہا۔ ان کا مزید کہنا تھا کہ دونوں ممالک اقتصادی میدان میں دو طرفہ تعاون رکھیں اور باہمی تجارت کے فروغ کا بھی خیر مقدم کیا گیا۔
حکام پر امید ہیں کہ سال 2019 میں پاکستان اور چائنہ کی تاجر برادریوں کے باہمی تعاون کو فروغ دیا جائے تاکہ دو طرفہ تجارت کی راہ ہموار ہوسکے۔
حکام نے ڈالر پر انحصار کی بجائے اور پاکستان اور چائنہ کی مقامی کرنسی میں تبادلہ کو خوش آئند قرار دیا۔
انہوں نے آگاہ کیا کہ اسٹیٹ بینک آف پاکستان اور پیپلز بینک آف چائنہ کے درمیان کرنسی کے تبادلے کا معاہدہ پہلے ہی 3 سال کے عرصہ کیلئے بڑھا دیا ہے جو پاکستانی تاجر کو اپنی اشیاء چائنہ کی مارکیٹ میں بیچنے میں آسانی پیدا کرے گا۔
