اسلام آباد: فیڈرل بورڈ آف ریونیو (ایف بی آر) نے بعض غیر ذمہ دار عناصر کی طرف سے پاکستان سے بڑی مقدار میں ڈالر کی سمگلنگ کے حوالے سے گمراہ کن پروپیگنڈا کو مسترد کر دیا۔
ایک بیان میں ایف بی آر نے وضاحت کی ہے کے ماضی میں افغانستان اور پاکستان کے درمیان تجارت ڈالر میں ہو رہی تھی جبکہ اب یہ تجارت پاکستانی روپے میں ہو رہی ہے۔
Federal Board of Revenue (FBR) has categorically rebutted the unfounded, malicious in intent and misleading in content a propaganda being advanced by some irresponsible elements that there was huge flight of dollars from Pakistan.
— FBR (@FBRSpokesperson) September 24, 2021
بیان میں مزید کہا گیا ہے کہ ایف بی آر نے ہوائی اڈوں پر کرنسی سمگلنگ کی روک تھام کیلئے سخت اقدامات اٹھائے ہیں، پاکستان کسٹم نے بھی ان غیر قانونی سرگرمیوں کی بیخ کنی کے لیے بیرون ملک جانے والوں کےلئے خود کار کرنسی کی چیکنگ کا نظام شروع کیا ہے۔
توقع ہے کہ چیئرمین ایف بی آر اور ممبرز پاک افغان بارڈر کا دورہ کریں گے اور کرنسی کی سمگلنگ کے روک تھام کے خود کار نظام کا جائزہ لیں گے۔
واضح رہے کہ حال ہی میں وزیر خزانہ شوکت ترین نے کہا تھا کہ افغانستان کی صورت حال کی وجہ سے دو طرفہ تجارت ڈالر کی بجائے پاکستانی کرنسی میں ہو گی۔
اس کے علاوہ گزشتہ دو ہفتوں سے امریکی ڈالر کے مقابلے میں روپے کی تاریخی گراوٹ کے نتیجے میں ڈالر کی بلیک مارکیٹ میں فروخت کی خبریں بھی سامنے آئیں تھیں۔
