لاہور: چین پاکستان اقتصادی راہداری (سی پیک) اتھارٹی کے چیئرمین لیفٹننٹ جنرل (ر) عاصم سلیم باجوہ نے اپنے عہدے سے مستعفی دے دیا.

عاصم سلیم باجوہ کے مستعفی ہونے کی تصدیق وفاقی وزیر منصوبہ بندی اسد عمر اور وزیراعظم کے معاون خصوصی برائے سیاسی ابلاغ ڈاکٹر شہباز گل نے کی۔

وزیراعظم عمران خان نے خالد منصور صاحب کو معاون خصوصی برائے CPEC Affairs تعینات کرنے کی منظوری دی ہے۔ خالد منصور صاحب خوش آمدید اور اللہ آپکا حامی و ناصر ہو۔ pic.twitter.com/Wmz9KA7oA0

— Dr. Shahbaz GiLL (@SHABAZGIL) August 3, 2021

لیفٹننٹ جنرل (ر) عاصم سلیم باجوہ نے ٹویٹر ایک پیغام میں کہا کہ ’میں خدا کا شکر ادا کرتا ہوں جس نے سی پیک اتھارٹی جیسے اہم ادارے کو چلانے کا موقع دیا جس کے تحت تمام منصوبے چلائے جا رہے تھے،  وزیراعظم عمران خان کے اعتماد اور حکومت کے تعاون کے بغیر ایسا ممکن نہ ہوتا۔‘

I bow my head before Allah Almighty for giving me an opportunity to raise & steer the important institution of CPEC Authority as one window for all CPEC projects, charting the future direction. Wouldn’t have been possible without full confidence& support of the PM & his Govt-1/2

— Asim Saleem Bajwa (@AsimSBajwa) August 3, 2021

عاصم سلیم باجوہ نے مزید کہا کہ ’سی پیک کی مستقبل میں ترقی کا راستہ متعین ہو چکا ہے، یہ سفر جاری و ساری رہے گا، سی پیک پاکستان کی لائف لائن ہے اور یہ منصوبہ ہمارے ملک کو ترقی یافتہ بنائے گا۔‘

دوسری جانب عاصم سلیم باجوہ کے استعفیٰ کے بعد وزیراعظم عمران خان نے خالد منصور کو اپنا معاون خصوصی برائے چین پاکستان اقتصادی راہداری (سی پیک) امور مقرر کر دیا ہے جس کا نوٹیفکیشن بھی جاری کر دیا گیا ہے۔

I want to thank @AsimSBajwa for his services in moving CPEC forward and playing a vital role in broadening of the CPEC scope with a transition to second phase of CPEC. His dedication and commitment was a source of great strength and support

— Asad Umar (@Asad_Umar) August 3, 2021

سابق چیئرمین سی پیک اتھارٹی لیفٹننٹ جنرل (ر) عاصم سلیم باجوہ نے خالد منصور کیلئے نیک خواہشات کا اظہار کرتے ہوئے کہا کہ ’خالد منصور میں سی پیک کو آگے لے جانے کی صلاحیت بدرجہ اتم موجود ہے۔‘

I welcome khalid mansoor to the team as SAPM for CPEC affairs. His vast corporate experience , with extensive work with Chinese companies and his direct involvement in leading some of the biggest CPEC projects makes him an ideal person to lead the next phase of CPEC

— Asad Umar (@Asad_Umar) August 3, 2021

ادھر وفاقی وزیر برائے منصوبہ بندی اسد عمر نے بھی ایک ٹویٹ میں کہا کہ ’خالد منصور کو کارپوریٹ امور چلانے اور چینی کمپنیوں کے ساتھ کام کا وسیع تجربہ ہے۔‘

اسد عمر کا مزید کہنا تھا کہ خالد منصور کی شمولیت سی پیک کے اگلے مرحلے کے بڑے منصوبے آگے بڑھانے میں مدد دے گی۔