آئل سمگلرز کیخلاف کارروائی، 609 پٹرول پمپ سِیل

45 لاکھ لٹر پٹرول اور ڈیزل ضبط، سات روز میں مستند دستاویزات نہ دکھانے والے پمپ مالکان کی اراضی بھی بحق سرکار ضبط کر لی جائے گی

280

اسلام آباد: وزیراعظم عمران خان کی ہدایت پر ملک بھر میں پٹرول کے سمگلروں کے خلاف جاری مہم کے تحت 609 پٹرول پمپ سِیل کر دیئے گئے جبکہ  تقریباََ 45 لاکھ لٹر پٹرول اور ڈیزل ضبط کر لیا گیا ہے۔

جمعہ کو وزیرِ اعظم میڈیا آفس سے جاری بیان میں کہا گیا ہے کہ وزارت داخلہ کی جانب سے تیل کی اسمگلنگ کے خلاف بلاامتیاز مہم جاری ہے جس کے واضح اور مثبت نتائج سامنے آ رہے ہیں۔

بیان میں کہا گیا ہے کہ اگر سِیل کئے گئے پٹرول پمپ کارروائی کے سات دن کے اندر مستند دستاویزات پیش نہیں کرتے تو ریاست کسٹمز ایکٹ کے تحت مالکان کی تمام جائیدادوں کے ساتھ پمپس ضبط کرنے کی مجاز ہو گی اور اس سے یہ اخذ کیا جائے گا کہ یہ جائیدادیں اسمگلنگ کے عمل سے غیر قانونی طور پر حاصل کی گئی ہیں۔

 

جواب چھوڑیں

Please enter your comment!
Please enter your name here