گزشتہ ماہ، سی پیک اتھارٹی چئیرمین لیفٹیننٹ جنرل (ر) عاصم سلیم باجوہ لاہور اورنج لائن منصوبے کے لیے مختلف کیٹگریز کی 250 سے زائد نئی نوکریاں دینے کا اعلان کیا تھا۔
پنجاب کے صوبائی دارالحکومت لاہور میں اورنج لائن منصوبہ ریپڈ ٹرانزٹ سسٹم کے تحت تعمیر کیا گیا ہے۔ میٹرو ٹرین 27.1 کلومیٹر (16.8 میل) طویل ہے، 25.4 کلومیٹر (15.8 میل) کا ٹریک پُل کی صورت میں جبکہ 1.72 کلومیٹر (1.1 میل) ٹریک زیرِزمین ہے۔
میٹرو ٹرین کے 26 اسٹیشنز کے ذریعے تقریباََ ڈھائی لاکھ مسافروں کو روزانہ کی بنیاد پر سہولیات دی جائیں گی۔
