سی پیک کے تحت گوادر پورٹ میں اب تک 250 ملین ڈالر کی سرمایہ کاری کی گئی ہے، چینی سفارتخانہ

373

اسلام آباد: پاک چین اقتصادی راہداری (سی پیک) کے تحت گوادر پورٹ میں اب تک 250ملین ڈالر کی سرمایہ کاری کی گئی ہے، 5جدید نئی کرینیں نصب کی گئی ہیں، دو لاکھ 20ہزار گیلن صاف پانی روزانہ فراہم کیا جارہا ہے،گوادر میں سیویج ڈسپوزل سسٹم اور کارگو ہینڈلنگ کے لئے آلات بھی نصب کئے گئے ہیں۔
پیر کو چینی سفارتخانہ کے طرف سے جاری دستاویزات کے مطابق پاکستان اور چین کے مابین گوادر پورٹ بین الاقوامی اور جدید بندرگاہ بنانے میں مدد ملے گی وہاں اقتصادی زونز کو عملی شکل دے کر پاکستان میں صنعتی انقلاب کیلئے راہ ہموار ہوگی۔
دستاویزات کے مطابق گوادر ایسٹ بے ایکسپریس وے منصوبی18.9کلومیٹر چار لین شاہراہ کی تعمیر کی جارہی ہے ،یہ شاہراہ گوادر بندرگاہ کو مکران کوسٹل ہائی وے، فری زون اور مستقبل کے کنٹینرز ٹرمینل سے ملائے گی، ایک دوسرے کے علم و تجربات سے فائدہ اٹھاکر باہمی مفید تعاون کے ذریعے سی پیک کو مستحکم انداز میں فروغ دیں گے تاکہ دونوں ممالک کی ترقی وخوشحالی کیلئے کام کیا جائے۔ پاک چین اقتصادی راہدری معیشت کیلئے گیم چینجر ثابت ہوگی۔

جواب چھوڑیں

Please enter your comment!
Please enter your name here